楊卓娜甫30年前舊照完全冇變樣 囡囡豹豹遺傳靚基因氣質優雅

現年44歲的楊卓娜入行21年，近年開始備受重視，得到唔少演出機會，而表演亦得到觀眾認同。身為三女之母嘅佢尤其演一啲母親角色時，演技非常觸動人心。楊卓娜事業起飛之餘都將屋企照顧得非常好，不時都會喺社交平台分享佢嘅日常。日前佢甫出自己30年前嘅舊照，唔少網民都大讚佢十年如一，仲同佢12歲囡囡一樣樣。

同場加映： 食腦喪B丨方紹聰暫別精神病角色初嘗男配角 感激家人無限量支持：姐姐以我為榮

{{hket:ul-video id="5674"}}{{/hket:ul-video}}

楊卓娜日前甫出佢自己讀中小學時嘅跳舞相，留言：「那些年，當我還在舞動的歲月！勾起很多美好的校園回憶！（小學至高中）」佢透露呢啲相係當年學校才藝表演同話劇比賽時影低，真係細細個已經好有演藝細胞。

{{hket:inline-image name="278055319_324446086264858_6679124813481604538_n.jpg"}}{{/hket:inline-image}}

唔少網民都大讚佢有氣質，美人胚子細細個已經見到，而且佢仲冇變過樣，Keep得好之餘仲證明佢完全冇加工，留言：「氣質真係用錢都買唔到。」、「你係咪搵而家個頭Key落啲落相，點解可以一樣樣？」、「由細靚到大！」

更有人指佢細女楊舒然（豹豹）同佢成個餅印咁！現年12歲嘅豹豹少女樣出晒嚟，遺傳媽媽纖長手腳同美貌，做靜態活動嘅時候仲同媽咪一樣氣質優雅；但仍有幾分稚氣嘅佢又有少女古靈精怪嘅可愛，唔少人都好期待呢位靚靚星二代長大！

圖片來源：Instagram